News

  • Home
  • News
  • गैरआवासीय नेपाली संघद्वारा विभिन्न एनसिसिहरुलाई आर्थिक सहयोग गर्ने निर्णय

गैरआवासीय नेपाली संघद्वारा विभिन्न एनसिसिहरुलाई आर्थिक सहयोग गर्ने निर्णय



गैरआवासीय नेपाली संघ (एनआरएनए) ले कोरोना भाइरस (कोभिड १९) पिडित देशका विभिन्न एनसिसिहरुलाई आर्थिक सहयोग दिने भएको छ ।
गैरआवासीय नेपाली संघ अन्तर्राष्ट्रिय समन्वय परिषद अनुसार कोभिड १९ बाट बढी प्रभावित देश मध्येका थप ५ देशको लागि संघले आर्थिक सहयोग गर्ने भएको हो । आर्थिक सहयोग पाउने देशहरुमा बहराई ५०००, स्पेन ५०००, पोर्चुगल ५०००, ईटाली ५००० र माल्टा ३००० अमेरिकी डलर प्राप्त गर्ने भएका छन् ।
संघले पहिलो चरणमा मध्यपूर्वका कुबेत, युएई, सउदी अरबलाई ५–५ हजार युएस डलर र युरोपको साइप्रसलाई ३ हजार युएस डलर रकम सहयोग स्वरुप उपलब्ध गराउने निर्णय गरेको थियो ।
विश्वभर महामारीका रुपमा फैलिरहेको कोरोना भाइरस कोभिड–१९ संक्रमणका कारण शनिवार (२ मे २०२०) साँझसम्म मृत्यु हुने गैरआवासीय नेपालीहरुको संख्या ७३ पुगेको छ । गैरआवासीय नेपाली संघ (एनआरएनए) अन्तर्गतको स्वास्थ्य समितिले संकलन गरेको तथ्यांक अनुसार २७ देशमा रहेका ५ हजार २ सय ४७ जना गैरआवासीय नेपालीहरु कोरोनाबाट संक्रमित भएका छन् ।
गैरआवासीय नेपाली संघ ।